Textiles de Artistas

A FUNDACIÓN BARRIÉ ACOLLE, EN PRIMICIA PARA ESPAÑA, A EXPOSICIÓN “TEXTILES DE ARTISTAS”, ORGANIZADA POLO FASHION AND TEXTILE MUSEUM DE LONDRES.

A mostra ofrece un percorrido pola historia da arte do século XX a través de tecidos deseñados por artistas de primeira liña, con exemplos senlleiros que se insiren nalgúns dos principais movementos artísticos: fauvismo, cubismo, abstracción, surrealismo e pop art. Composta por máis dun centenar de obras, esta exposición presenta unha importante panorámica dos tecidos como forma de arte popular na Gran Bretaña, os Estados Unidos e a Europa do século XX.

Entre os artistas figuran nomes como Pablo Picasso, Raoul Dufy, Salvador Dalí, Henri Matisse, Sonia Delaunay, Henry Moore, Fernand Léger, Barbara Hepworth, Ben Nicholson, Joan Miró, Andy Warhol e Alexander Calder. Adicionalmente, e de forma exclusiva, a exposición que se presenta na Fundación Barrié conta cunha selección especial de pezas de artistas e deseñadores do século XXI: teas de Howard Hodgkin para Designers Guild, téxtil deseñado por Zandra Rhodes para Valentino e téxtil-vestimenta e filme de Sterling Ruby, así como un tapiz de gran formato de Damien Hirst para HENI Editions e pano en colaboración con Alexander McQueen, obras cedidas polos propios artistas.

ENTRADA LIBRE. AFORO LIMITADO.

Crédito de imaxe:
Damien Hirst / Alexander McQueen
Jacob’s Ladder Silk Scarf, 2013
© Alexander McQueen Trading Ltd. All rights reserved, 2021
© Damien Hirst and Science Ltd. All rights reserved, VEGAP, 2022