Centros Penitenciarios e C.I.S.

Inicio / Acción Social / Reinserción / Centros Penitenciarios e C.I.S.

Programas de axuda a centros penitenciarios

O labor de apoio á reinserción no eido penitenciario da Fundación Barrié remóntase a 1971 e foi propiciado pola súa anterior presidenta, Carmela Arias y Díaz de Rábago. Desde entón este compromiso reafirmouse a través de varios convenios de colaboración con Institucións Penitenciarias e a sucesiva incorporación doutras entidades. O resultado é unha iniciativa pioneira como modelo de colaboración entre o ámbito público e privado na cal a Fundación Barrié asume a iniciativa, a coordinación e o seguimento dos programas participados por Institucións Penitenciarias, Fundación Roviralta, Saúde Mental FEAFES Galicia, Fundación Érguete-Integración e Asociación Érguete.
 
Os convenios 2020-2023 comprenden os programas de Apoio a Módulos e Actividades Educativas e de Atención a Persoas con Enfermidade Mental. Os obxectivos son apoiar o proceso de reinserción de persoas privadas de liberdade en centros penitenciarios de Galicia, ao lles facilitar oportunidades de formación e rehabilitación a través de diferentes actuacións; e mellorar a situación da poboación interna con enfermidade mental nos centros penitenciarios de Galicia, respectivamente.
 
A colaboración esténdese aos cinco Centros Penitenciarios galegos (C.P. A Lama, C.P. Teixeiro, C.P. Pereiro de Aguiar, C.P. Monterroso e C.P. Bonxe), aos Centros de Inserción Social (C.I.S.) “Carmela Arias y Díaz de Rábago” da Coruña e “Carmen Avendaño” de Vigo, así como o desenvolvemento de actividades educativas para a comunidade escolar de Galicia.


Nota de prensa

VIDEO

Programas de axuda a Centros Penitenciarios

Fundación Barrié

CONTIDOS RELACIONADOS