Engánchate ao voluntariado

A Fundación Barrié organiza, en colaboración co Centro Penitenciario de Pereiro e a Asociación para a Prevención e a Educación Social (APES), Engánchate ao Voluntariado, co obxectivo de fomentar o voluntariado xuvenil como unha alternativa de lecer que favorece o desenvolvemento e as relación sociais ao mozos e mozas desde unha visión positiva e comprometida coa súa comunidade, previndo conductas delituosas.

Engánchate ao Voluntariado está dirixido a alumnado de Ensino Secundario e de Formación Profesional de centros educativos de públicos, privados e concertados de Ourense.

Internos do Centro Penitenciario de Pereiro de Aguiar que recibirán previamente formación na temática de voluntariado e os seus beneficios, en factores de risco e proteción fronte ao delito e en igualdade de oportunidades, serán os encargados de impartir un taller formativo en cada un dos centros educativos, así como de promover o desenvolvemento dun proxecto de acción voluntaria relacionada coa temática tratada nos mesmos.

Debido ás especiais características desta actividade, os talleres ofrécense a un número limitado de 3 centros educativos para o curso académico 2025-2026. No suposto de que o número de solicitudes supere o número de prazas dispoñibles, estas seleccionaranse conforme ao criterio do Centro Penitenciario.

Máis de 1.100 alumnos participaron desde a súa posta en marcha no 2016.

• Datas de celebración dos talleres: de outubro 2025 a xuño de 2026.
• Actividade gratuita.
• Preinscrición: a través de formulario
• Participación: 3 centros educativos (grupos escolares de máximo 50 alumnos por centro).
• Duración da charla: hora e media.
• Prazo de preinscrición dos talleres 2025-2026: pechado.
• Comunicación aos centros seleccionados: a través de correo electrónico.