Di K Non

A Fundación Barrié organiza, en colaboración coa Unidade Terapéutica e Educativa do Centro Penitenciario de Teixeiro (A Coruña), os talleres Di K Non para a prevención do consumo de drogas en adolescentes.

Di K Non está dirixido ao alumnado de Ensino Secundario, Bacharelato e Formación Profesional dos centros educativos públicos, privados e concertados das provincias de Lugo e A Coruña.
 
A actividade, baseada no intercambio de experiencias con internos da Unidade Terapéutica Educativa do Centro Penitenciario de Teixeiro, desenvolverase en dúas sesións:

• A primeira sesión terá lugar no propio centro educativo. Membros do equipo de profesionais da UTE Teixeiro (Unidade Terapéutica e Educativa), acompañados por un grupo de internos de 6 ou 7 internos da mesma Unidade, realizan unha serie de actividades para compartir as súas vivencias, ofrecer información, propiciar reflexión e tratar de dar resposta ás inquedanzas do alumnado, axudándolles ao mesmo tempo a identificar situacións de risco. Unha das actividades é a obra teatral “O Soño de Vivir”, de 15 minutos de duración interpretada polos internos.  
• A segunda sesión ten lugar no C.P. de Teixeiro, permitindo ao alumnado penetrar na realidade das persoas privadas de liberdade. Para esta segunda sesión establécese un máximo de 35 prazas por centro educativo (incluindo alumnos e profesores), por motivos de aforo.

Por mor das especiais características desta actividade, Di K Non ofrécese a un número máximo de 7 centros educativos para este curso académico 2024-2025.
 
Máis de 11.800 estudantes e 800  profesores e profesoras de Galicia participaron en Di K Non desde a súa posta en marcha no ano 2011. Unha experiencia única de sensibilización e concienciación sobre os riscos e as consecuencias do consumo de drogas.
 
Datas de celebración: desde outubro 2024 ata xuño 2025.
Actividade de gratuíta: prazas limitadas.
Preinscrición: a través do formulario
Participación: grupos escolares, solicitados polo centro educativo.
Prazo de solicitude dos talleres 2024-2025: pechado.