A FUNDACIÓN BARRIÉ ACOLLE A CHARLA “COÑECER MELLOR O ALZHEIMER”, IMPARTIDA POLO INVESTIGADOR CARLOS SPUCH

• 150 escolares de 1º e 2º de Bacharelato do IES Carlos Casares de Vigo e do IES Pino Manso do Porriño, participarán nesta charla, que terá lugar o 4 de outubro, na sede da Fundación Barrié de Vigo.
• O doutor Carlos Spuch, especialista en demencias do sector sociosanitario, explicará, dun xeito próximo e dinámico, que son as demencias, que parte do cerebro se ve afectada, por que se producen, que tipos de demencias existen e cales son as diferenzas entre elas.
• Con posterioridade a esta charla realizarase en cada centro educativo participante unha sesión de sensibilización cun profesional da Asociación de Familiares de Enfermos de Alzheimer e unha visita dun grupo de 10-22 alumnos de cada instituto a un centro de Alzheimer.  
• Estas tres actividades forman parte de DIVULGAMENTE un proxecto de sensibilización interxeracional dirixido a estudantes de centros educativos galegos de Vigo e da Coruña que ten como obxectivo amosar dun xeito próximo e dinámico que son as demencias, como afecta ao cerebro e os tipos que hai, achegando a realidade desta doenza que afecta en Galicia a preto de 100.000 persoas. 
• Esta charla repetirase na Coruña, o día 9 de outubro, na sede da Fundación Barrié.
• A Fundación Barrié e a Federación Alzheimer Galicia impulsan este proxecto no marco do Programa Rede Paraugas Alzheimer.