Torneo de Debate Académico de Galicia (TDAG)

A Fundación Barrié organiza o VIII Torneo de Debate Académico de Galicia (TDAG) co obxectivo de fomentar no alumnado de ESO e Bacharelato o desenvolvemento das habilidades argumentativas e o pensamento crítico necesario para o éxito académico e profesional.

O TDAG diríxese ao alumnado de ESO e Bacharelato dos centros educativos (públicos, concertados e privados) de Galicia. Os equipos poderán estar formados por un mínimo de catro e un máximo de cinco participantes.

Categorías:

• Iniciación (1º, 2º e 3º de ESO)
• Avanzado (4º de ESO, 1º e 2º de Bacharelato)

A competición realizarase na sede da Coruña da Fundación Barrié (Cantón Grande, 9). Previo ao desenvolvemento da competición, impartiranse sesións de formación en oratoria e en iniciación ao debate académico.

Datas:

• Preinscrición: do 5 de setembro ao 3 de outubro de 2025
• Inscrición: do 6 ao 17 de ouctubro de 2025
• Competición: do 26 de xaneiro ao 3 de febreiro 2026
• Final: 5 e 6 de febreiro de 2026