Vogais

Sr. Don Darío Villanueva Prieto

Catedrático de Teoría da Literatura e Literatura Comparada da Universidade de Santiago de Compostela, da que foi reitor entre 1994 e 2002. Director desde decembro de 2014 da Real Academia EspañolaPresidente de honra da Sociedade Española de Literatura Xeral e Comparada. Recibiu doutoramentos honoris causa por dez universidades do Reino Unido, Suecia, Estados Unidos, España, Nicaragua, Ecuador, Arxentina e Perú. En 1973 publicou El Jarama de Sánchez Ferlosio. Su estructura y significado e comezou a exercer a crítica literaria na revista barcelonesa Camp de l’Arpa. Entre as súas obras salientan El polen de ideas. Teoría, Crítica, Historia y Literatura comparada (1991), Trayectoria de la novela hispanoamericana actual (1991), Estructura y tiempo reducido en la novela (2ª edición, 1994) e Teorías del realismo literario (1992), ademais doutros ensaios sobre Valle-Inclán, Quevedo, e Imágenes de la ciudad. Poesía y cine, de Whitman a Lorca (2015), premio internacional de investigación humanística da Sociedade Menéndez Pelayo. É membro nato do Consello de Estado. É vogal electivo do Padroado da Fundación Barrié desde 2017.