Pechar
Marga Paz
Directora da Fundación Amigos do Museo Nacional Centro de Arte Reina Sofía
Directora da Fundación Amigos do Museo Nacional Centro de Arte Reina Sofía. Estudou Historia da Arte na Universidade Complutense de Madrid e na Universidade da Sorbonne, París IV. Entre 1984 e 1986 foi comisaria das exposicións nos madrileños Centro de Exposicións do Ministerio de Cultura, Biblioteca Nacional ou Palacio de Velázquez. Durante a etapa 1986-1992 dirixiu en Madrid a Galería Marga Paz e en 1992-94 a londinense Galería Anthony D’Offay. Desde 1994 ata a actualidade foi comisaria de exposicións na Fundación Serralves (Porto), Sala Rekalde (Bilbao), Museo Nacional Centro de Arte Reina Sofía (Madrid), IVAM (Valencia), Centro Atlántico de Arte Moderno (As Palmas de Gran Canaria), Museo de Belas Artes de Bilbao, Museum Frieder Burda (Baden-Baden), Fundación Caixa de Pensións (Barcelona) ou Bucherius Kunst Forum (Hamburgo). Andy Warhol, Richard Long, Roberto Matta, Gilbert & Georges, Oskar Schlemmer, Richard Hamilton, Christopher Wool, Magdalena Abakanowicz ou Francis Picabia son algúns dos artistas con cuxa obra traballou.
Jordi Ibáñez
Escritor e profesor de Estética, Teoría da Cultura e Filosofía. Departamento de Humanidades da Universidade Pompeu Fabra de Barcelona
Jordi Ibáñez Fanés é profesor de Estética, Teoría da Cultura e Filosofía no Departamento de Humanidades da Universidade Pompeu Fabra de Barcelona. As súas publicacións máis recentes son o ensaio El reverso de la historia. Apuntes sobre las humanidades en tiempos de crisis (Calambur, 2016) e o poema Un lloc perillós (Tusquets, 2017). Tamén editou o volume colectivo En la era de la posverdad (Calambur, 2018).
Carlus Padrissa
Codirector de La Fura dels Baus
Carlus Padrissa é un dos seis directores artísticos da transgresora compañía de teatro La Fura, fundada en 1979. Da primeira época salientan obras como Acciones (1984), Suz / O / Suz (1985) ou Tier Mon (1988), que consolidaron a linguaxe da compañía. Padrissa foi o impulsor da participación do grupo na cerimonia de apertura dos Xogos Olímpicos de Barcelona de 1992, que el e Àlex Ollé dirixiron. Os primeiros traballos de Padrissa na ópera, e en colaboración con Ollé e o artista plástico Jaume Plensa, comezaron con La Atlántida de Falla (1996) ou Le martyre de San Sébastien de Debussy (1997). Estes foron seguidos de éxitos como La condenación de Fausto (Festival de Salzburgo) ou La flauta mágica (Ruhr Biennale). Padrissa dirixiu aclamadas óperas como Tannhäuser (2010), a Tetraloxía de Wagner, Parsifal (2013), Elektra (2014) en Suecia, Cantos de Sirena (2015) ou La Création (2017), entre moitos outros. Tamén capitaneou un dos proxectos máis ambiciosos de La Fura: converter o barco Naumon, un escenario flotante de 60 metros de longo e 1.100 toneladas. Este ano estreou pezas como T.H.A.M.O.S. de Mozart na Mozart Week de Salzburgo; ou Karl V no Bayerische Staatsoper de Múnic.
Simón Marchán Fiz
Catedrático Emérito de Estética e Teoría das Artes. Académico de Número da Real Academia de Belas Artes de San Fernando, Madrid
Licenciado en Filosofía e Letras en 1963 pola Universidade Complutense de Madrid. Amplía os seus estudos na República Federal de Alemaña, na Universität zu Köln e na Rheinische Friedrich-Wilhelms- Universität de Bonn, durante 5 semestres. Doutor en Filosofía e Letras en 1972. Catedrático Emérito de Estética e Teoría das Artes na Facultade de Filosofía (UNED, Madrid). Con anterioridade foi Profesor de Teoría das Artes e Historia da Arte Contemporánea na Sección de Arte da Facultade de Xeografía e Historia (Universidades Complutense e Autónoma, Madrid), Profesor Titular de Estética e Composición na Escola Técnica Superior de Arquitectura de Madrid, Catedrático da mesma materia baixo a mesma denominación ou de Estética e Teoría das Artes nas Escola Técnica Superior de Arquitectura das Palmas e Valladolid, e Director en ambas Escolas, así como Director do Departamento de Teoría e Historia da Arquitectura e primeiro Director do Departamento de Teoría da Arquitectura e Proxectos Arquitectónicos no momento da súa creación en febreiro de 1986.