Obradoiros Rede Paraugas Alzheimer

A Fundación Barrié e a Federación de Asociacións Galegas de Familiares de Enfermos de Alzheimer e outras Demencias -FAGAL-asinaron un convenio de colaboración para o desenvolvemento do Programa Rede Paraugas Alzheimer, o cal ten como obxectivo principal mellorar a atención e a calidade de vida das familias coidadoras de persoas enfermas de Alzheimer.

Dentro deste marco encádranse dous obradoiros de sensibilización sobre a enfermidade de Alzheimer dirixidos aos centros educativos galegos e que teñen como obxectivo achegar aos escolares á realidade das persoas maiores, coa finalidade de fomentar as relacións interxeracionais e reforzar os vencellos entre os máis novos e os maiores no ámbito familiar.