Axenda

Presentación da nova páxina web de acceso á dixitalización dos fondos documentais da Real Sociedad Económica de Amigos del País de Santiago

Estudo sobre os métodos de pesca da sardiña de 1834 (detalle)

RSEAPS

A Fundación Barrié e a Real Sociedad Económica de Amigos del País de Santiago de Compostela presentan a nova páxina web de acceso á dixitalización dos fondos da entidade compostelá. No acto intervirán José María Arias Mosquera, presidente da Fundación Barrié, e Juan Bautista de la Salle Barreiro Pérez, presidente da Real Sociedad Económica de Amigos del País de Santiago de Compostela.

A presentación terá lugar na sede da Real Sociedad Económica de Amigos del País de Santiago, Praza de Salvador Parga, 4. 15704 Santiago de Compostela.

A nova web dará acceso a 160.000 imaxes dixitalizadas baixo o mecenado da Fundación Barrié. Estes documentos manuscritos datan dos séculos XIX e XX e conteñen información sobre todos os aspectos da economía galega: a emigración, os foros, a construción do ferrocarril, a pesca, a agricultura, entre outros. Este proxecto dixital é pioneiro en canto a que permite a participación dos usuarios na transcrición dos documentos, un paso esencial para facelos visibles para os buscadores de Internet e investigadores.

ETIQUETADO EN: FONDOS DOCUMENTAIS  ,  REAL SOCIEDAD ECONÓMICA DE AMIGOS DEL PAÍS DE SANTIAGO DE COMPOSTELA