Axenda

Conferencia: "María Madalena: unha 'venus' cristiá"

Madalena penitente, 1641 José de Ribera (Detalle)

Museo Nacional do Prado

Ciclo de conferencias Francisco Calvo Serraller Fundación Amigos del Museo del Prado 2019: Porque me viches, criches. O Novo Testamento na arte, organizado pola Fundación Barrié e a Fundación Amigos do Museo do Prado.

A figura da Madalena como santa xorde, como tantas outras, no século XIII, a partir do libro de Santiago de la Vorágine A lenda dourada. Recóllense nel, pola man de quen foi bispo de Xénova, as vidas e milagres de máis de cento oitenta santos e santas que servirán de exemplo ao longo de toda a Idade Media, e cuxo significado e adoutrinamento cambiarán durante os séculos posteriores. A muller de gran beleza, pecadora e arrepentida, coa que Cristo se encontra inmediatamente despois da súa resurrección, a cal lle unxe os pés e se retira ao deserto como penitente o resto da súa vida, cuberta a súa incrible beleza só polos seus cabelos, convértese de xeito iconográfico nunha “venus cristiá”. Acéptase así a súa nudez, mais non nos altares, senón como imaxe de devoción privada, ou máis ben de “voyeurismo” íntimo e consentido, con exemplos dunha sensualidade patente e buscada da man dos máis importantes artistas de cada momento, que serviron a unha clientela exclusiva e poderosa pertencente á Igrexa e á nobreza.

ETIQUETADO EN: CONFERENCIAS  ,  MUSEO DO PRADO  ,  MANUELA MENA  ,  MARÍA MADALENA