Axenda

Conferencia: "O Novo Testamento na pintura contemporánea, dende Picasso ata Bacon"

A Anunciación, Isabel Baquedano, 2007. Fundación Amigos do Museo do Prado, Madrid 2019

Fundación Amigos del Museo del Prado

A crecente secularización do mundo contemporáneo fixo que a arte relixiosa perdese a preponderancia que tivera no pasado. No entanto, no século XX tivo lugar un proceso de resignificación daqueles motivos, de xeito especial os do Novo Testamento. A radicalidade das ensinanzas de Cristo, a humanidade dos apóstolos, o atractivo da figura da Madalena e a valoración da maternidade na Virxe fixeron que algúns movementos de vangarda se interesasen polo Novo Testamento. Ademais, a ruptura co pasado e o sentido de “boa nova” implícito na palabra Evanxeo supoñían un claro paralelismo coa arte de vangarda, cuxo propósito era alumear un mundo novo. Despois dos precedentes de Van Gogh e Gauguin, que orientaron dun xeito orixinal a súa interpretación daqueles temas, foi o expresionismo o movemento que máis se interesou por eles. A valoración da mensaxe de Cristo como redención para os marxinados polo sistema fixo que os artistas o visen con interese. Con posterioridade o surrealismo utilizou as figuras do Novo Testamento cun sentido transgresor. Trala Segunda Guerra Mundial, a busca dunha figuración exasperada pola dor recorreu a miúdo a imaxes cristolóxicas, particularmente á Crucifixión, como expresión do sufrimento extremo.

ETIQUETADO EN: CONFERENCIAS  ,  MUSEO DEL PRADO  ,  JAVIER BARÓN  ,  NOVO TESTAMENTO NA PINTURA  ,  PICASSO  ,  BACON