Axenda

Networking ‘Coñecerse para comprenderse’- Os medios dixitais e o terceiro sector

Require inscrición
Enlace aquí


A Fundación Barrié e o Colexio Profesional de Xornalistas de Galicia, poñen en marcha a segunda edición do Networking ‘Coñecerse para comprenderse’. Os medios dixitais serán os protagonistas dos grupos de debate multidisciplinar que se formarán para debater o seu papel á hora de realizar a información relacionada co terceiro sector.
 
Representantes das entidades do Terceiro Sector Social, ata un total de 21,  e dos medios de comunicación dixital, 15 xornalistas, debaterán, en grupos de traballo mixtos sobre temas de carácter social como inclusión, dependencia e outras cuestións sociais.
 
O obxectivo é promover un espazo de traballo e diálogo entre ambos sectores e analizar como afectan as novas tendencias informativas a través dun medio tan pouco controlable como é internet.

PROGRAMA

10.00 h. Recepción dos participantes e presentación.
 
10.15 h. Intervención do profesor da Facultade de Comunicación,  José Casás, sobre a guía de inclusión social elaborada pola Facultade de Comunicación da USC en colaboración co CPXG.
 
10.30 h. Debate en grupos. Cada grupo estará formado por 7 compoñentes de entidades do terceiro sector e 5 xornalistas. Estarán coordinados por un membro do Colexio de Xornalistas. O grupo centrará o seu debate nas seguintes cuestións, a modo de brandstorming:

• O papel dos medios dixitais na información do terceiro sector
• As fake news e a repercusión na comunicación sobre entidades
• A contaminación da imaxe das entidades sociais por causa de informacións negativas
• O sensacionalismo na información e o papel das Redes Sociais

ETIQUETADO EN: NETWORKING  ,  XORNALISMO  ,  INFORMACIÓN