Kreaturama

KREATURAMA propón, a partir de ferramentas manuais, dispositivos electrónicos (Smartphones, tablets…) e redes sociais, crear desde o cotián e desenvolver así as habilidades e aptitudes de nenos e mozos de entre 6 e 16 anos. A través dunha batería de Campamentos de Verán arredor da arquitectura, a fotografía, o deseño, a música e a arte, fusionamos creatividade, sostibilidade e tecnoloxía e proxectamos a cultura desde o participativo e o lúdico. CREAR + CRIATURA + CREATIVIDADE= KREATURAMA

KREATURAMA demostra que podemos converter o que xa existe en algo novidoso. Creando desde o cotián, desde os nosos Smartphones e as nosas tablets, KREATURAMA procura captar diferentes puntos da realidade, construíndo desde a liberdade que dá o colectivo a partir dunha serie de actividades que se relacionan entre si en base a distintas áreas da creatividade.

Se queres ser arquitecto, deseñador, fotógrafo, artista dixital ou un orixinal Dj ou Vj, KREATURAMA dáche as claves para unires a creatividade e a tecnoloxía.