PecharFrancisco Calvo Serraller
Catedrático de Historia da Arte, Universidade Complutense de Madrid
Catedrático de Historia da Arte na Universidade Complutense de Madrid. Director do Museo do Prado entre 1993 e 1994, e membro da Real Academia de Belas Artes de San Fernando. Vogal do Consello Reitor do Instituto Valenciano de Arte Moderna e membro fundador e vogal do Padroato da Fundación Amigos do Museo do Prado. Dirixe cursos en diversas institucións (Universidade Internacional Menéndez Pelayo, Fundación Amigos do Museo do Prado, Real Asociación de Amigos do MNCARS) e participa en congresos e seminarios internacionais. Crítico de arte e director da colección de arte en distintas editoriais. Dirixe xunto con Miguel Zugaza a Enciclopedia del Museo del Prado. Comisario de importantes exposicións como: Goya. A imaxe da muler, Picasso. Tradición e vangarda, Pintura española de El Greco a Picasso, Modigliani e o seu tempo, Arte española na colección do IVAM, Goya e o infante Don Luis e O Museo do Prado e os artistas contemporáneos.
Pilar Silva
Xefa de Departamento de Pintura Española (1100-1500) e Pintura Flamenca e Escolas do Norte (1400-1600)
Doutora en Historia da Arte pola Universidade Complutense, exerceu como profesora titular en dita universidade e, desde 1997, forma parte da Comisión de Servizo no Museo do Prado como xefa do Departamento de Pintura Flamenca e Escolas do Norte (1400-1600) e Pintura Española (1100-1500). A súa principal liña de investigación é a pintura española e fl amenca dos séculos XV e XVI, sobre a que desenvolve abundantes estudos. Participa en numerosos congresos e coloquios nacionais e internacionais sobre arte fl amenca e colabora en numerosas exposicións como Carolus, Jan van Eyck e os países do sur; Pedro Berruguete. O primeiro pintor renacentista da coroa de Castela ou Rogier van der Weyden (h.1399-1464), entre outras. Foi a comisaria da retrospectiva O Bosco. A exposición do Centenario inaugurada en maio de 2016 no Museo do Prado.
Miguel Falomir
Director Adxunto de Conservación e Investigación, Museo do Prado
Doutor en Historia da Arte pola Universidade de Valencia onde exerce como profesor ata 1997. Durante a súa formación recibe prestixiosas bolsas, entre elas a bolsa predoutoral FPI do Ministerio de Educación e Ciencia e a bolsa postdoutoral Fulbrigth no Institute of Fine Arts, New York University. Especialista en renacemento valenciano e pintura italiana e francesa do mesmo período, desde 1997 ocupa o cargo de xefe de Departamento de Pintura Italiana e Francesa (ata 1700) do Museo do Prado. En 2015 é nomeado director adxunto de Conservación e Investigación do Museo do Prado. Comisario de numerosas exposicións: Tiziano, Jacopo Tintoretto, O retrato de Renacemento, O último Rafael o Tiziano: Dánae, Venus e Adonis. As primeiras poesías.
Manuela Mena
Xefa de Conservación de Pintura do Século XVIII e Goya, Museo do Prado
Conservadora de debuxos e estampas e subdirectora das áreas de conservación, investigación e restauración do Museo do Prado entre 1981 e 1996. É vogal da Xunta de Cualifi cación, Valoración e Exportación de Obras de Interese Histórico do Ministerio de Cultura e vogal do Corpo Facultativo de Conservadores de Museos, do Real Padroado do Museo do Prado, ademais de membro do ICOM, membro do Comité Cientí co do Museo Goya de Castres (Francia) desde 1981. Posúe diversas condecoracións e galardóns entre os que se encontra a Medalla de Prata ao Mérito ás Belas Artes do Ministerio de Cultura. É comisaria de numerosas exposicións no museo salientando as recentes A beleza encerrada e Goya en Madrid.
Luis Fernández Galiano
Catedrático de Proxectos, Escola Técnica Superior de Arquitectura de Madrid
Arquitecto, catedrático de Proxectos na Escola de Arquitectura da Universidade Politécnica de Madrid (ETSAM) e director da revista AV/Arquitectura Viva. Membro de número da Real Academia de Belas Artes de San Fernando e da Real Academia de Doutores, foi Cullinan Professor na Rice University, Franke Fellow na Yale University, investigador visitante no Getty Center de Los Ángeles e crítico visitante en Harvard e Princeton, así como no Instituto Berlage. Presidente do xurado na IX Bienal de Arquitectura de Venecia e da XV Bienal de Arquitectura de Chile. Entre os seus libros cóntanse La quimera moderna, El fuego y la memoria, Spain Builds y Atlas, arquitectura global circa 2000.
Letizia Arbeteta
Corpo Facultativo de Museos
Licenciada en Dereito pola Universidade Complutense e doutora en Historia da Arte pola mesma institución coa tese O Tesouro do Delfín. Desde 1989 pertence ao Corpo Facultativo de Conservadores de Museos. Ao longo da súa carreira desempeña distintos postos, entre outros, directora da Fundación Lázaro Galdiano, conservadora xefe do Departamento de Oriente Hispánico do Museo de América e vogal da xunta de Cualifi cación, Valoración e Exportación do Patrimonio Histórico Español. Entre 2001 e 2005 é directora da revista de arte Goya. Autora de numerosas publicacións, é especialista en xoiería antiga hispánica e en coleccións principescas de vasos e pratería. Comisaria de exposicións, salientando a recente A Arte Transparente. A talla do cristal no renacemento milanés no Museo do Prado.
Xavier Bray
Arturo and Holly Melosi Chief Curator, Dulwich Picture Gallery, Londres
Especialista en pintura española dos séculos XVII e XVIII é xefe de conservación da Dulwich Picture Gallery, despois de traballar durante dez anos como conservador na National Gallery de Londres e dous anos como xefe de conservación no museo Belas Artes de Bilbao onde participa na súa reorganización museográfi ca. Co-comisario de numerosas exposicións entre elas: O Greco, Caravaggio, os últimos anos, Velázquez e Murillo e Justino de Neve. En 2009 organiza a súa primeira mostra O sagrado feito real na National Gallery onde recentemente tamén presenta Goya: The Portraits. Colabora como director cientí co na produción do documental O Greco: Pintor do invisible presentada no Museo do Prado co gallo do centenario do pintor.