BUSCAR
GRADschool Emprendemento
Luns 02 de Decembro de 2019
Xoves 05 de Decembro de 2019
Sala -1 do Museo Centro Gaiás. Cidade da Cultura. Santiago de Compostela.
Aforo limitado
Require inscrición Enlace aquí
GRADschool en Transferencia e Emprendemento
O GRADschool é un curso de formación práctica e experimental de catro días deseñado para que os investigadores posdoutorais, en particular aqueles cun mínimo de 2-3 anos de experiencia posdoutoral, adquiran competencias transversais para a transferencia de tecnoloxía e comercialización.
Nestes cursos adéstranse as competencias necesarias que permitan a estes investigadores facerse cargo do resultado das súas propias investigacións mediante a súa transferencia a empresas, institucións, ou a través da xeración de emprendemento de base tecnolóxica.
Os GRADschools son un programa de referencia no Reino Unido na formación e o desenvolvemento dos investigadores. Iniciáronse hai 40 anos e constitúen a base para o desenvolvemento de programas de formación para a empregabilidade e a transferencia de investigadores en universidades e centros de investigación de primeiro nivel nese país.
A Axencia Galega de Innovación (GAIN) da Xunta de Galicia e a Fundación Barrié desenvolven esta iniciativa de forma conxunta, dando continuidade ao labor da Fundación Barrié na formación de xestores de transferencia, co obxectivo de avanzar cara a un cambio de cultura dentro da carreira investigadora e estimular o achegamento dos investigadores a actividades de transferencia e emprendemento.
O curso, dirixido a un máximo de 50 investigadores, está impartido por un equipo de titores cunha sólida experiencia práctica de traballo en equipo e formación.
En grupos de 10 persoas, os participantes traballan a través dunha variedade de situacións e experiencias nunha contorna empresarial e académica simulada. Cada grupo conta co apoio dun titor que lles axuda a facer un balance das experiencias e a establecer vínculos entre o vivido durante o exercicio, a súa investigación e a súa futura carreira.
Son cursos interactivos de formación que teñen un enfoque práctico: Learning by doing. As presentacións e a parte informativa constitúen eixos marxinais do programa, xa que a parte fundamental do concepto radica na participación activa dos investigadores nas sesións e actividades.
Datas de celebración: do 2 ao 5 de decembro de 2019.
Lugar de celebración: Sala -1 do Museo Centro Gaiás. Cidade da Cultura. Santiago de Compostela.
Inscricións: formulario de inscrición dispoñible nesta ligazón.
Prazo de presentación de solicitudes: antes do 30 de novembro de 2019 ás 14:00 horas.
Número de prazas: 50
Documentación e ligazóns:
- Programa da acción formativa (pdf)
- Participación (pdf)
- Formulario de inscrición (pdf)
- No enderezo electrónico: programacion.centros.gain@xunta.gal
- No teléfono: 981 957 000
ETIQUETADO EN: COMPETENCIAS TRANSVERSAIS , XESTORES DE TRANSFERENCIA , EMPRENDEMENTO
PRÓXIMOS EVENTOS
CONFERENCIA DAVID GARCÍA CUETO
CONFERENCIA CARLOS REYERO
DEBATE ACADÉMICO TDAG
-  
-
Xoves 28 de Novembro de 2024
19:30 -
Mércores 04 de Decembro de 2024
19:30 -
Mércores 22 de Xaneiro de 2025
Venres 07 de Febreiro de 2025
18:00-20:00 -  
-  
-
-
-
-  
-
-
-
-