(Dis)cursos da escrita. Estudos de filoloxía galega ofrecidos en memoria de Fernando R. Tato Plaza


(Dis)cursos da escrita. Estudos de filoloxía galega ofrecidos en memoria de Fernando R. Tato Plaza


Esta obra colectiva, que titulamos (Dis)cursos da escrita, é unha viaxe ao longo da historia da lingua galega, con trinta e unha paradas escolmadas polos autores desta monza de traballos. O libro está dedicado a Fernando R. Tato Plaza (1962-2000), profesor de filoloxía galega na Universidade de Santiago de Compostela e investigador no Instituto da Lingua Galega, e reúne un nutrido grupo de coñecidos investigadores entre os compañeiros e amigos que partillaron con el moitas preocupacións e moitas arelas, incluso máis alá das estritamente filolóxicas. O percurso comprende todas as épocas, desde toda a amplitude do arco medieval, pasando polos séculos escuros aos inicios do rexurdimento no séc. XIX, e chega ata a máis estrita contemporaneidade.
A maior parte dos traballos afonda na historia da escrita do galego, ben revisitando problemas ecdóticos ou de xénese textual, ben presentando novos textos inéditos, ben revisando lecturas, datacións, autorías..., ou ben propoñendo traballos puntuais sobre aspectos gramaticais da lingua antiga. Unha parte importante ocúpana os capítulos de onomástica, tanto antroponímica coma toponímica, co foco posto en distintos momentos da nosa historia, desde o trazado das vías romanas aos nosos días. Outros, finalmente, detéñense na presencia do galego en ámbitos de uso que non lle viñan sendo propios ou na variación lingüística interna. Péchase a obra cunha guía completísima de fontes para o estudo do galego medieval, da que é coautor o homenaxeado e que seguía inédita.

Antón Santamarina Fernández, Rosario Álvarez Blanco
Biblioteca Filolóxica Galega

A Coruña, 2004
ISBN: 84-95892-24-3
770 páginas
Rústica

29.00€

ENGADIR

Esta obra colectiva, que titulamos (Dis)cursos da escrita, é unha viaxe ao longo da historia da lingua galega, con trinta e unha paradas escolmadas polos autores desta monza de traballos. O libro está dedicado a Fernando R. Tato Plaza (1962-2000), profesor de filoloxía galega na Universidade de Santiago de Compostela e investigador no Instituto da Lingua Galega, e reúne un nutrido grupo de coñecidos investigadores entre os compañeiros e amigos que partillaron con el moitas preocupacións e moitas arelas, incluso máis alá das estritamente filolóxicas. O percurso comprende todas as épocas, desde toda a amplitude do arco medieval, pasando polos séculos escuros aos inicios do rexurdimento no séc. XIX, e chega ata a máis estrita contemporaneidade.
A maior parte dos traballos afonda na historia da escrita do galego, ben revisitando problemas ecdóticos ou de xénese textual, ben presentando novos textos inéditos, ben revisando lecturas, datacións, autorías..., ou ben propoñendo traballos puntuais sobre aspectos gramaticais da lingua antiga. Unha parte importante ocúpana os capítulos de onomástica, tanto antroponímica coma toponímica, co foco posto en distintos momentos da nosa historia, desde o trazado das vías romanas aos nosos días. Outros, finalmente, detéñense na presencia do galego en ámbitos de uso que non lle viñan sendo propios ou na variación lingüística interna. Péchase a obra cunha guía completísima de fontes para o estudo do galego medieval, da que é coautor o homenaxeado e que seguía inédita.